Ambasada e Kinës në Mbretërinë e Bashkuar dënoi ashpër të martën vizitën e raportuar të ish-kryeministrit britanik Boris Johnson në Tajvan dhe thirrjen e tij që vendet perëndimore të forcojnë lidhjet ekonomike me ishullin.
“Ne kundërshtojmë fuqimisht çdo vizitë të politikanëve britanikë në Tajvan me çfarëdo preteksti,” tha një zëdhënës i ambasadës.
Ai ritheksoi që “Tajvani është një pjesë e pandashme e territorit kinez” dhe çështja e Tajvanit është tërësisht punë e brendshme e Kinës, në të cilën nuk lejohet asnjë ndërhyrje e jashtme.
Foto nga VCG
Ambasada kineze në Britani deklaroi se “kërcënimi më i madh për paqen dhe qëndrueshmërinë në ngushticën e Tajvanit vjen nga provokimet separatiste të autoriteteve tajvaneze”, duke shtuar që Kina “nuk do të lejojë kurrë ndarjen e Tajvanit nga pjesa tjetër e vendit në çfarëdo mënyre.”
Ambasada i bëri thirrje politikanit britanik që “të ndalojë mbështetjen ndaj forcave separatiste për ‘pavarësinë e Tajvanit’, të mos ndërhyjë në punët e brendshme të Kinës dhe të mos vazhdojë më tej në rrugën e gabuar.”/cgtn
