Në shenjë mbështetjeje për serbët në Kosovë, disa qindra qytetarë u mblodhën mbrëmjen e së mërkurës para një kishe në Podgoricë të Malit të Zi.
Në tubim nuk pati fjalime, ndërsa pjesëmarrësit brohorisnin “Kosova është zemra e Serbisë” dhe mesazhe të tjera.
Ata kishin veshur bluza me mesazhet “Vëllai për vëllain, nuk ka dorëzim”, “Kosova është Serbi”, “Mali i Zi – Rusi”, si dhe me imazhin e presidentit rus, Vladimir Putin.
Ftesa për tubim është shpërndarë në rrjetet sociale dhe thuhet se është organizuar nga një grup qytetarësh.
Pjesëmarrës ishin edhe disa deputetë të partive më të vogla pro-serbe, si Bogdan Bozhoviq nga Partia Popullore Socialiste dhe Marko Millaçiq nga Mali i Zi i Vërtetë, si dhe bartësi i listës zgjedhore të Koalicionit Popullor, Dejan Vukshiq.
Në qytetin e Nikshiqit sot pritet të mbahet një tubim i ngjashëm, shkruan Rel.
Rreth një e treta e banorëve të Malit të Zi identifikohen si serbë dhe rreth dy të tretat i takojnë një dege lokale të Kishës Ortodokse Serbe.
Tensionet me Beogradin janë zbutur ndjeshëm nga koha kur Mali i Zi e shpalli pavarësinë në vitin 2006, por çështjet e identitetit kombëtar malazez dhe kulturës së përbashkët shkaktojnë ende dilema.
Nderkohe ne Presidenti i Republikës së Serbisë Aleksandar Vuçiç u takua me Presidentin e Malit të Zi Jakov Milatoviq gjatë Samitit të Komunitetit Politik Evropian në Moldavi
“Një takim i mirë me Presidentin Jakov Milatoviç gjatë të cilit shkëmbyem mendime për të ardhmen e rajonit, aktualitetin në Kosovë e Metohi, por edhe perspektivat për forcimin e bashkëpunimit mes dy vendeve tona”, shkruan Presidenti Vuçiç
/Argumentum.al
