Presidenti i Kinës Xi Jinping i dërgoi të mërkurën një mesazh urimi Andras Baka-s me rastin e marrjes së detyrës si president i Hungarisë.
Në mesazhin e tij, Xi theksoi që Hungaria ishte një ndër vendet e para që njohën Republikën Popullore të Kinës dhe të dyja vendet kanë miqësi tradicionale me një histori të gjatë.
Që nga vendosja e marrëdhënieve diplomatike 77 vjet më parë, Kina dhe Hungaria kanë respektuar vazhdimisht parimet e respektit të ndërsjellë, barazisë e bashkëpunimit me përfitime të ndërsjella, duke arritur rezultate të dukshme në bashkëpunimin në fusha të ndryshme, tha presidenti kinez.
Xi vuri në dukje më tej që ai i kushton rëndësi të madhe zhvillimit të marrëdhënieve kino-hungareze dhe u shpreh i gatshëm të punojë së bashku me presidentin Baka për të çuar përpara miqësinë tradicionale, për të thelluar besimin e ndërsjellë politik dhe bashkëpunimin praktik në të gjitha fushat, si edhe për të nxitur zhvillimin e qëndrueshëm e afatgjatë të partneritetit të gjithanshëm strategjik në të gjitha rrethanat në epokën e re Kinë-Hungari, në dobi më të madhe për popujt e të dy vendeve.-cgtn
